Pas humbjes nga Borussia Munchengladbahu, Bayerni i Munihut iu është rikthyer fitoreve në Bundesliga.
“Bavarezët” e kanë mposhtur Koljin me rezultat të thellë 4-0 si mysafir, në ndeshjen e vlefshme për xhiron e 19-të të kampionatit gjerman.
Sulmuesi polak Robert Lewandowski ishte njeriu kryesor i ndeshje duke realizuar tre gola në minutët 9’, 62’ dhe 74’, kurse golin tjetër e realizoi mesfushori Corentin Tolisso në minutën e 25’.
Bayerni mbetet lider i tabelës me 46 pikë, gjashtë më shumë se Borussia Dortmundi në vendin e dytë.
