NUK MUNDEM MOS ME TË PASË
Nuk mundem mos me të pasë
Sa shumë kam dashtë me mbërri te ti
Je pranverë e ditëve të mia
Trëndafil i pafjetur
Qysh kur të kam njohur
Takim shpirtërash bëra
Me pasion njerëzor
Si perlë e ngulur në zemër
Me ty janë edhe të djeshmet
Që më flasin
Për ledhatimet e nesërme
Kur shpirti i dashuruar jeton
Me këngën e hënës
Këputesh në duart e mia
Në ëndërr dashurie
Nuk do të doja t’i harroja
As netët që nuk kthehen
Të pata thënë
Jam i etur për dhembshuri
Edhe kur dashuria është e tërbuar
Unë e ti
I buzëqeshim
Hyjnores në dashuri