Wednesday, May 22, 2024
BallinaTurizmiMediat britanike: Shqipëria mes destinacioneve më emocionuese për të vizituar në 2024-n

Mediat britanike: Shqipëria mes destinacioneve më emocionuese për të vizituar në 2024-n

Me hapjen e linjave të reja ajrore që e bëjnë udhëtimin më të lehtë se kurrë, ka shumë për të zgjedhur për udhëtimin tuaj të ardhshëm, nëse jeni duke kërkuar të lidheni me natyrën, të ngjiteni në zonat malore apo të provoni kuzhinat tradicionale!

Revista britanike “National Geographic Traveller” e ka renditur Shqipërinë mes 30 destinacioneve më emocionuese për të vizituar në vitin 2024.

Ky medium ka përmendur Alpet Shqiptare me një përshkrim të mahnitshëm që vijon më poshtë:

Një arratisje e egër në “yllin” në rritje të Evropës, Shqipërinë!

Udhëtarët, që kërkojnë diçka më ndryshe nga aventurat e tyre të mëparshme evropiane po shikojnë gjithnjë e më shumë drejt Shqipërisë.

Vendi ballkanik po tërheq një numër në rritje vizitorësh falë brigjeve të tij në Adriatik dhe Jon, të kaluarës intriguese osmane dhe komuniste dhe skenës relativisht të sapolindur të turizmit.

Të zhytura në brendësi të veriut, Alpet Shqiptare janë një e pjesë e rëndësishme e turizmit shqiptar.

Bjeshkët e Nemuna, kjo mbretëri e majave të thepisura karstike është një ëndërr për alpinistët, ku rrëqebullët enden nëpër pyjet e bredhit dhe lulet e egra mbulojnë sipërfaqen e luginës.

Ata që kërkojnë të eksplorojnë shtigjet sfiduese të rajonit mund të behen pjese e një turneu tetëditor, i cili ofron një itinerar që përfshin udhëtime nëpër shtigjet malore, shtëpitë tradicionale dhe një vizitë në fshatin e Thethit, duke përfshirë edhe ecje në Majat e Ballkanit.

Shqipëria është gjithashtu më e aksesueshme se kurrë falë një sërë linjash të reja ajrore.

“Ryanair” ka nisur së fundmi fluturimet drejt kryeqytetit të Tiranës nga Edinburgu, Mançesteri dhe Stanstedi, ndërsa “Wizz Air” do të operojë nga Birmingami, Edinburgu dhe Liverpuli nga 19 dhjetori i vitit 2023./abcnews.al/

TË NGJASHME

Komento

Shkruani komentin
Shkruani emrin

TË FUNDIT