Sunday, June 23, 2024
BallinaLajmeDigjet vetura “Mercedes GLA” në Prizren, pronari i saj deklaron se vlera...

Digjet vetura “Mercedes GLA” në Prizren, pronari i saj deklaron se vlera e dëmit është 43 mijë franga

Një veturë e tipit “Mercedes GLA” e vitit 2018 me targa zvicerane, sot në Grazhdanik në Prizren është kapluar nga zjarri. Pronari i saj ka deklaruar në polici se vlera e veturës është 43 mijë franga.

Shaqir Bytyqi, zëdhënës në policinë e Prizrenit tha për Express se rasti i djegies ka ndodhur teksa shoferi po voziste, i cili ka vënë re erë benzine dhe tym.

“Automjetin e tij kur e ndalon për ta shikuar problemin dhe në atë moment automjetin e ka kapluar zjarri. Pas raportimit  në vendin e ngjarjes kanë dalë policia dhe zjarrfikësit dhe e kane shuar zjarrin si pasojë e zjarrit automjeti është djegur tërësisht. Viktima deklaron se dëmi i shkaktuar ka vlerën rreth 43000 Franga zvicerane”, tha Bytyqi.

Lidhur me rastin është njoftuar prokurori dhe është filluar rasti  “Incident zjarri”, përfundoi ai. (Foto ilustrim)

TË NGJASHME

Komento

Shkruani komentin
Shkruani emrin

TË FUNDIT