Të shoh në diell e hënë
në sofër buke
në mes luftrash
e flakërimesh
betejave të përflakura
Kryefjalë
e shtigjeve të mia
rrufeve në perëndim
në lutje të amshimit
në shtratin e miklimit
Kryefjalë
të shoh në ujëvarë
në netët pa gjumë
në vello të nuses
e dasëm me flamur
Kryefjalë e shekujve
ecur mbi plagë
rritur mbi varre trimash
ngritur në bedena
Kryefjalë
me këngën ninullë
veshur me tirq
plis e xhamadan
Kosova ime
KRYEFJALË