KACAVJERRË NË MENDJEN E SHEKSPIRIT
Kacavjerrë në mendjen madhe të Shekspirit
si shkurre dimri e tharë me shekuj
dëgjoj zëra e rri në mes të asaj
To be or not to be
Kacavjerrë për shpirtin e Shekspirit
Gëlltis ankthe si ilaçe qetësimi
tjerët prashitin emocione
përtypin e hanë hormone
thyejnë nerva si shkarpa
Unë varur
brenda mendjes së Shekspirit
To be or not to be
Zërat të dalur nga uji
të dalur nga toka
shajnë mallkojnë
prashisin emocione, hanë hormone
nerva si shkarpa thyejnë
var në mes të çështjes
To be or not to be
Nis shaj e rrënoj edhe unë
Ëndrrat t ‘i shpëtoj
to be and to be
Derisa ta vrasim luftèn
E di ju do t’ flini me frikën për gjymtyrët e atdheut
Për drekën e fëmijëve lodrat e tyre
Do t’ i mbyllni dritaret me perde të trasha
T’ mos e shihni qiellin si ua masakrojnë vrasësit
Zemrat do t’i keni shesheve udhëve
Nëpër gjethet e atdheut nëpër lumenjtë e tij
do flini e do zgjoheni me vdekjen
nëpër trosha buke fytyrën do t ia shihni
Do t’ i fusni shtëpitë në valixhe për të ikur nga absurdi
unë nuk e kuptoj luftën
më duket psikologji e komplikume
Po krejt kështu disi ka qenë në Kosovë
E në shumë atdhe të tjerë
Do të jetë
Derisa ta vrasim luften
E nisa një pako duhan për Paris
I mblodha si gurë të lashtë
foljet që dinë të rrëfejnë e të kallxojnë kujtime njerëzish
I mblodha disi me kujdes që rrëfimi të bëhej I bukur
E nisa rrëfeja para gjetheve të parkut në Prishtinë
Për brezin e humbur të shkrimtarëve
Gjethet më njihnin si trungun e tyre
dhe qanin bashkë me mua
unë qava si nga ndonjë pendesë e madhe
mora forcë e hodha pakon e duhanit në Paris
t’mos mblidhte më bishta cigaresh nëpër rrugica
Orveli
njeriu që jeta i kalonte si kërcim hardhuce
sa i madh ishte e kishte humbur si bubrrec në shkretëtirën jetës
shumë pimë duhan bashkë atë ditë
S’mund e shihja duke mbledhur bishta cigaresh në Paris
I hodha pakon e duhanit përmes ajrit përmes fjalëve
Sa kujtim të bukur bëra për vete
E gjethet vazhdonin të dridheshin nga rrëfimi im
Lutja e pakuptimtè
E pata lutur nènèn, aman mos vdis naten
Mendoj se je fjetur e ne mengjes mund t i qes dy kafe
Ajo i mbylli sytè
Deshi te vdiste ashtu si jetoi
Duke endèrruar
