Chelsea dhe Brentford u takuan sot në kuadër të xhiros së 29’të në Premier League. Ndonëse pritej fitore e lehtë për londinezët e Tuchel, nuk ndodhi ashtu, shkruan Gazeta Metro.
Pjesa e parë e kësaj ndeshje përfundoi pa gola, ndonëse nikoqirët e kishin dominuar ndeshjen.
Zhbllokimi i rezultatit erdhi nga një gol i çmendur i Antoni Rudiger, i cili shënoi afër 30 metra larg portës së Brentford.
Por, nuk vonoi shumë dhe Brentford u kundërpërgjigj. Dy minuta pas golit të gjermanit, ishte Janelt ai që e barazoi rezultatin.
Në 11 minutat e ardhshëm, Brentford shënoi edhe dy gola të tjerë, përmes Eriksen e Janelt i cili shënoi përsëri.
Për të thelluar edhe më rezultatin, në minutën e 87’të Wissa dërgoi topin në rrjetën e Chelseat për ta çuar rezultatin në 1-4.
Chelsea javën e ardhshme përballet në një ndeshje të vështirë me Real Madrid në çerekfinale të Champions League./
