MË BËHET SIKUR JAM ËNDËRR
Ja që edhe këto kështu nisin
Mbrëmja e vodhi ditën
Apo diellin hodhi pas bjeshkësh
Gjërat që më rrethojnë
Sikur nisin të heshtin
Një herë si drithërima të fshehta
Rrahje të shpeshtuara të zemrës
Që vijnë bashkë me kujtimet
Deti im i djegur flakë
Së pari do të derdhë
Një si duaj të madh drite
Pas pak
Ujë e qiell do të marrin
Një ngjyrë flake të lëbyrme
Për një ditë më të lumtur
Kushedi
Ruana i Madhi Zot.
