Forca femërore është…
një lavë ëndërrimtare
e heshtur në madhështi
mahnitëse në ngrohtësi
një luginë me mirazhe
dëshira dhe shqetësime
bubulluese e pa zhurmë
ndër pasione gjithashtu.
Në diellin e akullt bie
me flokë bore të zjarrtë
me hapa të heshtur arrin
me psherëtimat e flladit
në ngricë ndizet si flakë
fuqishëm pastaj të ngroh
në një furtunë memece
çdo gjë me dashuri fiton.
Por ja, ndodh rëndom
me zemër të mendojë
nga errësira shpërthen
drejt shpirtit të ndritur
e rritur mes ëndrrash
porsi një burim rrjedh
nga muzgjet ajo ngrihet
ngjyrash të shndritshme.
Perktheu Irma Kurti
