KLITHMË E ËMBËL DASHURIE
kur me syrin gështenjë më vështrove
unë në heshtje putha
dritën në sytë e tu
kur dorën ma shtrëngove
një forcë e pashpjegueshme
hyri në trupin tim
me përaqafimin tënd
të gjitha pikëpyetjet e jetës sime
morën përgjigje
kur buza jote
preku buzën time
togje pulëbardhash më dilnin nga krahërori
kur mollët …
ah , mollët kur i shtrydha
pjalm jete mbushej shpirti im
qumësht i bardhë yjesh
pema jonë në rrënjë i bënte frutat
kur bëmë dashuri
të gjitha qelizat u mblodhën në një pikë vlimi
për të shpërthyer pastaj në një klithmë të ëmbël kënaqësie
