JU MË SHUAT EMRIN
Ju u munduat të më shuani emrin
Të më harroni
Të më bëni qeder për nderin që u bëra
Të m’i hidhni poshtë dhe mundimet e mia
Të më flakni djersën ,të m’i harroni
Të më dënoni ,të më tërboni
Të më degdisni nga ku s’lë gjurmë
Të mos shkel në tokën time
Aty ku hëngra bukë
Ju më bëni të ndihem e vetme
As ëndrra të shoh
Ju më braktisët të kem etje
Dhe pastaj mall të mos gëzoj
Ju më bërët të arratisem.
Ndoshta në vënde të huaja të ekzistoj
Më bërët të mos jem e juaja ,dhe pa pashaport
Ju më grisët çdo ndjenje
Çdo fjalë e premtim
M’i hodhët syve dhe pastaj ,më thatë gjej shpëtim
Ju më dënuat ,më morrët gjithçka timen
Ndofta dhe shtëpizën ku u rrita
Me testament ,nga babai e kisha
Dhe prapë m’a grisët
Ju më mohuat nënën , babën atje në varr
Ju nuk më latë të lija
Një amanet gjallë
Ju më mohuat edhe ëngjellin me krahë
Ju më bërët të jem me të djallëzuarit
Kur s’mundem dot të quhem djall
