Ti je ..në zemër
Kur dita zbret ngadalë
Në tik takun e orës në mëngjes
Para teje ngelem pa fjalë
Të parën ty të përshëndes
E vargjeve të mia
Të lëna në tavolinë
U hedh një sy nxituar
Më thua me vështrim
Po mua më ke harruar?
Një varg s’ma ke shkruar?
Unë buzën vë në gaz
Me sy të përkëdhel
Qëndroi i marrosur
E ç’fjalët të të them
Ti je lulja ime
Je aromë e shpirtit
Je muza ime
Unaza e gishtit
Pa mbështetjen tënde
S’do kisha vazhduar
S’mu bëre pengesë
Për vargjet që shkruaj
Po i hedh të pastër
si dalin nga zemra
Kudo je me mua
Nuk ka rëndësi për emra
