Presidenti i Brazilit, Luiz Inacio Lula da Silva ka kritikuar emërimin e Carlo Ancelottit si trajner i ri i Kombëtares së Brazilit, duke u shprehur se ai do të ishte më mirë të zgjidhte problemet e Kombëtares së Italisë.
Italiani do të marrë drejtimin e brazilianëve në qershorin e ardhshëm. Deri atëherë skuadra do të udhëhiqet nga trajneri i Fluminense, Fernando Diniz.
“Unë e admiroj Ancelottin, por ai kurrë nuk ka qenë trajner i kombëtares së Italisë. Pse nuk e zgjidh problemin e Italisë, e cila nuk u kualifikua në Botërorin 2022”, ka thënë Lula për stacionin televiziv SBT. “Unë jam fans i Dinizit. Ai ka personalitetin, kreativitetin dhe është ai që e thotë fjalën kryesore në zhveshtore”.
Brazili u eliminua në çerekfinale të Botërorit “Qatar 2022” nga kroacia dhe dhe trajneri Tite kishte dhënë dorëheqjen.
