T’I THEMI BOTËS, FAL DASHURI !
Eja me mua ti femër
Ti shoqe ,motër e grua
Të falim dashurinë që kemi në zemër
Eja ti pra ,eja me mua !
T’i themi njerëzimit ,mos urreni !
E të falin veç dashuri
Larg inateve e mërive që keni !
Eja me mua ,eja ti !
T’i themi kësaj Bote ,të mos urrejë
Të mos lakmojë as pasuri
Se paqen tek vetja çdokush do ta gjejë
Kur shpirti mban brenda veç dashuri
Mos u vono ,eja pra ti
Shoqe e motër , nënë e grua
T’i themi mbarë Botës , fal dashuri !
Eja ti pra , eja me mua !
