Drejtori për Investime Kapitale në Komunën e Prishtinës, Krenar Xhaferi përmes një postimi në Facebook ka njoftuar se është asfaltuar segmenti i rrugës nga Gërmia në drejtim të Butocit.
“Kjo rrugë ka qenë e patrajtuar, ndërsa tani do të mundësojë një lëvizje më e mirë në atë pjesë”, ka shkruar Xhaferi.
Ai po ashtu ka treguar edhe për punët që po bëhen në hyrje të Prishtinës nga Gollaku, duke thënë se profili i rrugës do të ndryshojë tërësisht pasi do të ketë gjelbërim, shteg për biçikleta dhe trotuare në të dyja anët e rrugës.
