Liga superiore angleze, Premier League, ka dalë me një deklaratë zyrtare në lidhje me Superligën Evropiane.
Gjykata e Lartë e BE-së vendosi sot se UEFA dhe FIFA kishin vepruar në mënyrë antiligjore kur kishin bllokuar krijimin e një lige të tillë.
E Premier League sot ka thënë se janë kundër krijimit të Superligës Evropiane.
“Vendimi i sotëm nuk e përqafon Super Ligën – dhe Premier League vazhdon të REFUZOJË çdo koncept të tillë. Mbështetësit janë të një rëndësie jetike për lojën dhe vazhdimisht e kanë bërë të qartë kundërshtinë e tyre ndaj një gare ‘të shkëputur’ që shkëput lidhjen mes futbollit vendor dhe atij evropian”, thuhet ndër të tjera në deklaratë, raporton Klankosova.tv.
Premier League thotë se është e përkushtuar ndaj parimeve të qartë për garë të hapur që përforcon suksesin e garave të brendshme dhe ndërkombëtare të klubeve.
“Futbolli lulëzon në konkurrencën e krijuar nga promovimi dhe rënia, kualifikimi vjetor i bazuar në merita nga ligat dhe kupat vendase në garat ndërkombëtare të klubeve dhe rivalitetet dhe ritualet e gjata që vijnë me fundjavat që rezervohen për futbollin vendas”, ka theksuar liga superiore e Anglisë. /Klankosova.tv
