E nisëm atë ditë udhën tonë,
Zogjtë erdhën, lajmëruar lulëzimesh,
Aroma e lultë i zbriti në tokë,
Mbi lulen e parë, përqafuar pjalmimesh,
Atë ditë kuptuam se në pjalm nuk mëkohen vetëm bletët,
Pranverën e parë veç zogjtë e shijojnë,
Lajmës këngëtorë në stinë dashurie janë,
Etydesh përqafur,
pentagramet udhëve shtrojnë.
Pentagramesh ecëm ne në udhën e zogjve,
Përqafimi i parë çeli dhe lulen në shkëmb,
Ne dhe zogjtë, e çelëm vezullin e dielltë,
Në lugjet e zemrës e shkruam ndjenjën tonë.
Ditë zogjsh ajo ditë e gjatë,
Këngë cicërimash premtova pa betim,
Në mua u ndale ti, zgalem i jetës sonë,
Petale aromë jete të bëra dhuratë.
