Saturday, October 1, 2022
BallinaLajmeÇaste poetike me poetin Maliq Torra

Çaste poetike me poetin Maliq Torra

DALE XHANE , DALE

( Lirikë )

Më prit moj xhane , më prit !

Gjuri lodhur më përthyhet .

Kopsat e bluzës shkopsit ,

Ndryshe në parajsë s’hyhet !

Kur e sheh që dot s’të ndjek ,

Ngadalëso të shkretin hap !

Po ta dish se ç’mall më djeg ,

Ti do kthehesh tek unë prap !

Kurrë s’qeshë lypsar në jetë ,

Po ardhka dhe moti ftohet !

Sot po them një të vërtetë ,

Pa dashuri jeta nuk rrohet .

S’rrohet moj , kjo jeta vetëm .

Ndale hapin dhe pritmë mua !

Me mote shkuam , u tretëm .

Mes hirit një xixë m’u zgjua .

Desha që të shkoj i nginjur ,

Tani që gjunjët m’u prenë .

Apo pse më sheh të thinjur ,

Sytë për nga unë s’të venë ?!

………………………………..

 

VRAPIM KOHE

Dita e shkurtër si njerka grinjare ,

Martuar shpejt me natën qorre .

E ktheu jetën në një gënjeshtare ,

Makabritet , në ikje po hedh valle !

Sot këmbana ra disa herë në vaj .

Kishës tymosën qirinj përshpirtje .

U hëngër dreke përcjelljese pastaj ,

Dhe në varreza mbizotëroi heshtje !

Kaq qe jeta e njeriut të pangopur .

U kthyen vdekëtarët në pelegrinë .

Se nesër përbri , aty varrit i ngjitur ,

Dikush nga përcjellsit ka shtëpinë .

Vrapoi dhe kjo ditë shpejt e nxitim ,

Regjistruar si statistikë në kalendar .

Ç’shkoi , mos prisni të ketë kthim !

Përjetësisht s’kemi as dy metër varr !

……………………………………………………..

QERTHULL KOHE

Vjeshta në të ikur , dimri në të ardhur .

Sa qemë nxehur , kemi për të mardhur .

Muajve që do vinë , do jemi kërrusur .

Pa vajtur mesdita , do të jetë ngrysur .

Përreth strumbullarit , mblidhet litari .

Më kot të shpresosh , gënjehet qyqari .

E shkurtër kjo jetë , sa një jetë njeriu .

Lakmoi , po ç’fitoi ? Veç shpresoi i ziu .

Vinë stinët përqark , iku dhe mot-moti .

Çfarë fitoi njeriu ? Shpresoi kot te Zoti !

Vetëm u rrudhos e iu zbardhën flokët .

Brenda këtij moti i shkuan dhe shokët !

Më kot pret beharë , çfarë do t’i sjellë ,

Kur veç sharron , një pemë s’ke mbjellë ?

Koha është si boshti , fillin për ta tjerrë .

Jeta sa e shkurtër , nuk veshet dy herë !

TË NGJASHME

Komento

Shkruani komentin
Shkruani emrin

TË FUNDIT