Liverpool do të takohet të shtunën në finale të FA Cup kundër Chelseat me fillim nga ora 17:45. Trajneri i Liverpool, Jurgen Klopp ka shkuar aq larg saqë ka thënë që nuk mundet ta imagjinoj ndonjë ekip që pret me pa durim të përballet me ata për momentin.
Tradicionalisht përballjet ndërmjet Liverpool dhe Chelseat kanë qenë shumë interesante, e njëjta gjë pritet të ndodh edhe të shtunën në finale të FA Cup.
Trajneri gjerman, Jurgen Klopp ka deklaruar se ai së bashku me lojtarët dhe stafin e tij synojnë të bëjnë një skuadër të cilën asnjë ekip nuk do të kishte pasur dëshirë që ta kishte përballë.
”Nuk mund të imagjinoj ndonjë ekip që pret me padurim të përballet me këtë skuadër të Liverpoolit për momentin. Kjo është ajo për të cilën ne përpiqemi, për të qenë skuadra që askush nuk dëshiron të përballet,” tha Klopp.
Gjatë rrugëtimit të tij si trajner i Liverpoolit, Jurgen Klopp nuk ka hasur në shumë kritika, por njëra nga kritikat më të ashpra që ka qenë për të është se nuk ka bërë më të mirën ën FA Cup dhe Carabao Cup, për këtë 54-vjeçari tha: ”Për të shmangur çdo dyshim, unë absolutisht e dua këtë kompeticion. E njoh rëndësinë e tij në historinë e klubit tonë dhe sa shumë do të thotë për mbështetësit tanë.”
‘The Reds’ kanë treguar formë të mrekullueshme këtë sezon dhe me plotë të drejtë ky stinor i tyre, po vlerësohet edhe si më i miri prej se është emëruar trajner Jurgen Klopp.
