Krerët e klubit të Monzas, Silvio Berlusconi dhe Adriano Galliani, janë duke planifikuar një goditje të dyfishtë për afatin kalimtar të kësaj vere.
Paulo Dybala dhe Mauro Icardi janë në listën e dëshirave të dyshes së njohur në botën e futbollit, transmeton Gazeta Express.
Madje, sipas “Sky”, drejtori i klubit të Monzas, Adriano Galliani, ka zhvilluar kontaktet e para me përfaqësuesit e futbollistëve në fjalë.
Galliani ka biseduar me Jorge Antun, agjentin e ish-numrit 10 të Juventusit dhe me Wanda Naran, gruan dhe përfaqësuesen e sulmuesit të Paris Saint-Germainit.
Financat nuk shihen si problem për klubin italian për të nënshkruar me dyshen argjentinase, duke ia shtuar edhe faktin se Dybala është lojtar i lirë.
Kujtojmë se Monza shkroi historinë në sezonin e fundit, pasi siguroi promovimin në Serie A.
