-SHTEGTIM I EGËR-
Rrahja e sforcuar e zemrës tënde
Mbërrin gjer tek unë plot zhurmë,
Goditje aritmike përtej trajtimit,
Janë mbushur kilometrat
…
Shpirti yt, një shtegtar i egër,
Që dhe në metrat e fundit
Lufton ta ruaj madhështinë,
Tek i kthehet sërish dritës…
Eh kilometrat, sa udhë, sa jetë,
Prapë për të qënë veç vetvetja nën lëkurë,
Si mund të jesh një tjetër,
Kur fiken dritat në kinemanë e zbrazur?!
Mos ik! Ku do të shkosh,
Çdo t’i thuash miqve lart, Migjenit, Fishtës?
Fjala e humbi shenjtërinë e vet gjithkund,
Për shitje, pazareve, të gjitha dolën…
