Asi argjentinas Lionel Messi, ka shkëlqyer në fitoren e Inter Miamit ndaj Atlanta Utd (4-0), ndeshje kjo e zhvilluar në kuadër të MLS-së.
Argjentinasi gjatë kësaj verë iu bashkua skuadrës amerikane nga PSG-ja. Messi në duel me Atlanta Utd rrugën e golave e gjeti në minutën e 8-të dhe 22-të, derisa asistoi në minutën e 53-të për Taylor.
Kujtojmë se kampioni i botës me Argjentinën javën e kaluar kishte debutuar me një supergol për Inter Miami-n.
