AS I ETUR E AS I DEHUR
Me gjyshen time flokëbardhë
Pranë zjarrit flisnim për jetën
Çfarë ajo dinte e kishte parë
Për të drejtën e të vërtetën
Në netët e dimrit të gjatë
Bisedat zgjatnin shumë
Si mund ta harroj atë natë
Mësim „gozhdë“ nxora unë
Djalë i gjyshes t‘u hap goja
Kjo është drejtësia e vërteta
Këto mi ka mësuar përvoja
Si duhet të merret jeta
Një gjë kurrë mos harro
Merre jetën qetë i pa nxehur
Jeta ka të ngjarë me një gosti
Ku del as etur e as i dehur
