Ç’T’U RRËFEHEM MË ?
E çfarë t’u rrëfej më për veten ,
I gjithi zbërthyer e shkopsitur ?
Po ca sekrete fshehur mbeten .
Të kam dashur e të kam pritur
.
Se ç’kam ca dëshira të pafjetura !
Se ç’kam ca malle të pagjuma !
Të gjitha s’ua thashë nëpër letra .
S’u tregova se jetës edhe humba .
Ndonjëri më urren , këtë gjë e di .
Mbetur merak ndonjërës për mua .
Ah , kjo më vret , kjo është llahtari ,
Që s’e dita e t’i thosha : “sa të dua !”
Nuk kam më sekrete , të tëra i dini ,
Se kam qënë i tejdukshëm , qelibar .
Po brenda ashtit , në atë ditë qefini ,
Dashuria për ty nuk më është tharë !
