Edon Zhegrova po ndiqet nga Borussia Dortmund, sipas medias gjermane “derwesten.de”.
Kosovari ka bërë bujë gjatë këtj edicioni në Ligën 1 franceze, duke u konsideruar më meritori pse skuadra e Lille gjendet lart në renditjen tabelare.
Sipas asaj që shkruan media gjermane, vetë futbollisti nuk do të ishte kundër që t’i bashkohej skuadrës së Bundesligës.
Kontrata e tij me klubin francez zgjat deri në vitin 2026.
Interes për transferimin e Zhegrovës kanë shprehur më herët edhe klube tjera nga Gjermania, Franca, Anglia, Spanja dhe Italia.
