PORTA E VJETER
Pas portës së braktisur
mbyllur me perde merimagash
jeta gjallon mes kujtimesh,
të ikurit
jetojnë parajsës
në lëndina yjesh.
Të gjallët
relike-kujtimet ruajnë
si driten e syve.
Portën hap lehtë,
kërcitje menteshash…
artikulim fjalësh … amanet….
të qara foshnjesh
që vijnë në jetë.
E hap përmallshëm portën e vjetër.
Pa çeljembylljen e saj
s’do çelelembyllja tjetër.
