Ylli i Bayern Munichut, Harry Kane është rikthyer në stërvitje pas lëndimit që pësoi në ndeshjen ndaj Darmstadtit javë më parë.
Kane, u desh që të largohej edhe nga grumbullimi me Kombëtaren e Anglisë dhe mungoi në dy ndeshjet miqësore që “Tre Luanët” i zhvilluan gjatë këtij muaji, shkruan Indeksonline
Ditë më parë sulmuesi anglez, bashkë me Mazraouin, Guerreiron dhe Comanin kanë mbajtur stërvitje individuale me trajnerin e fitnesit Holger Broich.
Por gjatë ditës së sotme Kane, është rikthyer në “Sabener Strasse” dhe duket që do jetë i gatshëm për ndeshjen klasike të së shtunës ndaj Borusssia Dortmundit
Kane, erdhi këtë verë nga Tottenham Hotspur dhe aktualisht është golashënuesi kryesor në Bundesliga me 31 gola.
