MOS U NDAL
(Mikut tim poet)
Me krijimtarinë tënde
ti ke bërë emër
i lexoj rregullisht
i kam n’shpirt e zemër.
Mos e ndal hovin
vazhdo me mençuri,
pengesat që dalin
mposhti gjithnjë.
Dikush hedh një gur
veç për të penguar,
vazhdo miku im
vargje për t’krijuar.
Sa dashakëqinj
në rrugë të dalin,
vazhdo me mençuri
mos e ndal hovin.
Kështu e ka kjo jetë
njerëzit të urrejnë,
pa kurrfarë arsye
pengesa të bëjnë.
Rrugën e shtruar me lule
nuk mund ta ndalojnë,
vargjet tuaja të bukura
përmes kësaj rruge kalojnë.
Tregoje dijen tënde
se ke ende fuqi,
mos lejo gjithkënd
të tallet me ty.
O,sa bukur i qëndis
vargjet margaritarë,
je shumë i çmuar
dhe del fitimtar!
