Serbët mbërrijnë sot në Tiranë, një ditë para sfidës së shumëpritur ndaj Shqipërisë. Në kuadër të kualifikueseve për Kampionatin Botëror “2026”, Shqipëria dhe Serbia do të përballen nesër në një ndeshje që UEFA e ka klasifikuar si me “rrezikshmëri të lartë”.
Kombëtarja serbe, e drejtuar nga trajneri Dragan Stojkoviç, do të mbërrijë në Tiranë rreth orës 14:00 dhe do të akomodohet në një hotel pranë stadiumit “Arena Kombëtare”, ku do të zhvillohet edhe ndeshja. Sapo të zbresin në Shqipëri, serbët do të jenë të shoqëruar nga masa të rrepta sigurie të Policisë së Shtetit, për të parandaluar çdo incident të mundshëm.
Përveç forcave shqiptare, skuadra serbe do të ketë edhe stafin e saj të sigurisë. Ndërkohë, me ekipin ka udhëtuar edhe kuzhinieri personal, më shumë se mosbesimi ndaj ushqimit të hotelit, duket se serbët kanë nevojë për kalori , në prag të një ndeshjeje vendimtare për fatet e Grupit K.
Vendi i dytë dhe me shumë gjasë biletat për në Botëror do të vendoset mes Shqipërisë dhe Serbisë në këtë fazë përfundimtare të kualifikueseve./Gazeta Blic/
