Lart
Mbi çati
Rrinë yjet
Si prushi në hi…
Çikriku ngre litarin
Litari ngre kovënÇdo gjë prej guri:
Çatia me rasa
Oborri me pllaka
Muret të latuar
Lyer me gëlqere
Prej hëne kulluar.
Në fund të oborrit
Pusi i bardhë
Në krye të pusit
Çikriku i ndryshkur
Rreth çikrikut
Litari i heshtur
Në fund të litarit
Kova e shtypur.
Kova derdh ujin
Mbi gjoksin tim
Të shuaj mallin…
Mbi ngashërimin e errët
Të natës së përgjumur
Ngrihet Ylli i gjallë
i Mëngjesit…të bukur…
