E përgjumur akoma e diela
Gogësin duke u striqur
Me pertesë në krevat
Në fluskat e kafes së ngrohtë
Ca gjilperizime drite lexojnë
Një deshirë nostalgjie
Mengjesi ka hapur kanatat
Fllade të ëmbla shtyn brenda
Në shtratin e parregulluar
U zgjat shumë ky trendafil
Me një burbuqe të roztë
Përshendet nga dritarja
Në porcelanin e bardhë të kafes
Një pellumb ka hapur krahët
E vjen i gëzuar
Buzëqeshja zbret në buzët
E sytë ëmbëlsojnë shikimin
Ndofta ajo…ndofta..
E diela shtriqet ëmbël ,ëmbël
Me kafen duke rufitur e fluturat
Që e presin në lendin
