O grua shqiptare, o dritë e bekuar,
Nga dora e Zotit, si lule e krijuar,
Në gjirin tënd kombi ka rrënjë e jetë,
Ti je vatër e shenjtë, ti je yll në këtë jetë.
Ti je gurra e kombit, burim i pashtershëm,
Në djepin tënd rritet një popull i patretshëm,
Me ninullë e lot, me dashuri edhe me nder,
Ti rrit bijtë e shqipes për atdhe e për nder.
O grua, o nënë, o motër, margaritar i rrallë,
Duhet të të mbajmë si sytë, si dritë në ballë,
Se kush të nderon, nderon vetë atdheun,
Kush të ruan ty, kombit ja ruan dheun.
