Meteorë
Sot ditës me diell pashë meteorë
Më të ndritshëm se meteorët e natës
Dikush tha se po binte dëborë
Dhe pse qielli ishte i kaltër
Një tjetër tha:-Janë zogj shtegtarë
nga rrezet e diellit bardhuar
Shumë të tjerë thanë e ç’nuk thanë
Për qiellin meteorësh ndriçuar
Vetëm më pas kur ndodhi çudia
Mbetën të gjithë të habitur
Në tokë mbiu një mal me libra
Me emra autorësh të ikur
