Dhe vjen nje ditë
Vjen një ditë
edhe një tjetër më pas
re ngarkuar mbi mal
që pret të dergjet
natën vonë
kujtimesh
të gjenë psenë
në kasaforta të drunjëta
Motrash
që hapen në ditë speciale bijash
që mblidhen
të puthin fëmijërinë
në porta
me avuj deti
e zhurmë përroi
mbuluar me gjethe ulliri
malii
Ikjet
janë të shpejta
mallet janë të vona
mendimet
flutura vrapojnë
malluar luleve
që vijnë erën tënde
Dhe vjen një ditë
ku askundi i mallit
është shkundur petalesh
Dhe prapë vjen një ditë
e tjetër ditë shkon
unë pres mallin tënd
të më vijë
aromë
kripë deti
lule mali
gjethe ulliri
zhurmë përroi
gjak që më thërret
kur po vjen…
Valbona Kolaveri-Dhe vjen nje ditë
TË NGJASHME