Sot do të luhen dy ndeshje në Superligën e Kosovës në futboll.Që të dy këto takime fillojnë në orën 13:00.
Ferizaj e pret Drenicën, ndërsa Malisheva Trepçën 89’.
Skuadra nga Skënderaj konsiderohet favorit për ta fituar përballjen e parë, ndërsa në çiftin e dytë diferenca në performanca nuk është aspak e lartë dhe për rrjedhojë është vështirë e parashikueshme se si mund të përfundojë kjo sfidë.
Për sot ishte paraparë që të luhej edhe sfida në mes të Llapit dhe Dritës, por, për arsye të panjohura deri më tash, u shtye për një ditë.
