DASHURIA ËSHTË ART MIKU IM
Jo, s’ka nevojë për fjalë e leksione dashuria ,
se dashuria është art më vete miku im ,
se dhe atëherë…kur qielli vishet nga retë ,
një copëz diell do të t’ngroh pa dyshim
.
Dhe kur zemrën të ta shtrëngojnë si me darë ,
e sytë të t’buhaviten… a skuqen nga lotimi ,
mbi qerpikë….një pikë vesë do t’qëndroj ,
se nën retinë…një folezë përherë e ruan gëzimi
.
Dashuria përpëlitet e vuan dhimbjen e dhimbjes ,
e pas klithmës… në mejdan e hedh dëshpërimin ,
mbi pistën e jetës shkëlqen si në vals lumturie ,
dhe ashtu si në pazëll..stinëve ju jep ngjyrimin .
Ajo jeton..kur lumturinë e tjetrit si tënden ta duash ,
të ndiesh der në eshtër… kur shpirti i qesh a i qan ,
ohh.. të duash si duhet , është ca e vështirë ,
të japësh nga vetja…e zemrën ta kesh oqean
.
Si dallandyshet që foletë ndërtojnë me fije e baltë ,
e grimcë pas grimce…i ngjitin sikur të kenë duar ,
dashuria… është art në të gjitha dimensionet ,
që të rrjedh në deje si lumë valëshkumuar .
