TË DUA , POR JO SI E MARRË
Sa herë u mundova unë
të të përshtatem
dhe koklavitjeve të tua
t’i gjej një përgjigje .
Ti kryeneçe
m’i çove kot lodhje e orvatje ,
sepse sa herë unë gjeja zgjidhje
t’i , ndryshoje pyetjet .
Unë kokëforte të desha shumë ,
të dua dhe tani ,
por nuk them të dua si e marrë ,
këtë jo , jo ,
se një i marrë
nuk di se ç’është një dashuri .
Të dua çdo herë më shumë
kur ti pyetjet i ndryshon .
Dhe prap nis nga e para
kërkoj një shteg të ri ,
që të eci në ty O JETË
dhe hapat nuk i nxitoj ,
nëse nuk gjej përgjigjet
për ty prap kam Dashuri ,
në të fshehtat e tua kurioze
prap filloj dhe rrëmoj .
JETA IME ….
Të kam të shtrenjtë dhe çdo herë
do mundohem të të përshtatem .
Dhe sa herë ti të mblidhesh kular ,
të të zgjidh përsëri do orvatem .
