SINORE PERËNDIMI…
Perëndimi ngren sinore,
faqe-zverdhur për çudi,
endur hijesh…përrallore,
vellos tretur…unë dhe ti…
Unë dhe ti muzgut ikur,
si të fundmit kalimtarë,
llamburon heshtja fikur,
malli,brenga të pandarë…
Të pandarë reja e qielli,
tutje-t’hu…në paqëtim,
si kusarë fshehur Dielli,
vetmitarë në shtegëtim…
Perëndimi ngren sinore,
nata…ditën…në çark zë,
endur hijesh…përrallore,
territ pengje…nga pas lë…
