Kosova do të ballafaqohet sot me Izraelin, në kuadër të ciklit kualifikues të Kampionatit Evropian.
Ndeshja do të zhvillohet në stadiumin “Fadil Vokrri”, duke filluar nga ora 20:45.
Kur kanë mbetur pak orë deri të fillimi i ndeshjes, tashmë janë bërë të gjitha përgatitjet e duhura për këtë ndeshje, ndërsa organet e rendit kanë publikuar orë më parë edhe planin funksionues.
Derisa situata vazhdon të jetë e qetë dhe ndoshta edhe për shkak të motit me shi, Policia e Kosovës është nëpër rrugët e qytetit që të ofrojë siguri maksimale.
Dardanët do të synojnë fitoren e parë në stadiumin “Fadil Vokrri”, teksa Izraeli do të kërkojë që të mbajë gjallë shpresat për kualifikim në Evropian.
Izraeli renditet në vendin e tretë në Grupin I, me 11 pikë, pas gjashtë ndeshjeve.
Ndërkohë Kosova ka humbur gjasat për kualifikim, duke u pozicionuar në pozitën e katërt me shtatë sosh.
Ndeshja e parë e zhvilluar në Tel-Aviv ishte mbyllur baras 1:1.
Përballja me Izraelin ka qenë e planifikuar për muajin tetor, por ajo u shty për shkak të situatës së krijuar në Lindjen e Mesme.
Tashmë janë publikuar formacionet zyrtare.
Formacionet zyrtare:
Kosova: Muric, Aliti, Kastrati, Krasniqi, Rashica, Muslija, Muriqi, Dellova, Zybaj, Loshaj, B.Berisha.
Izraeli: Glazer, Dasa, Goldberg, M.Vitor, Lavi, Zahavi, Peretz, Jehezkel, Revivo, Gloukh, Kinda.
