SHTËPIA E ZEMRËS !
Në shtëpinë e zemrës ,kam shumë dhoma
Të ndara ,secilën veç e veç
Dikush largohet e dikush rri akoma
E dikush tjetër ,këmbët zvarrë i heq
Në shtëpinë e zemrës time
Rrinë njerëzit më të mirë
Këtu flenë të mijat kujtime
E ata që m’u gjenden në kohë të vështirë
Shtëpia e zemrës time
Është e mbushur plot e përplot
Nga unë kanë mijëra bekime
Ata që ma thanë detin me lot
Në shtëpinë e zemrës , shumë njerëz vijnë
Disa largohen pak e nga pak
Në krye të odës kam miqësinë
E të gjitha ata që e kanë hak
Këmbëkryq je ulur dhe ti
Këtu në dhomën e zemrës time
Ti që më jep shumë dashuri
E shpirtin ma shëron me ledhatime
Në shtëpinë e zemrës time
Të gjithë qeshim e këndojmë
E lemë gjurmë nëpër kujtime
Se gjithmonë s’do t’rrojmë
