Në Mitrovicë, është përuruar shtatorja e futbollistit, Erion Kajtazi, i cili vdiq në fushë pas një sulmi në zemër, derisa po luante për grupmoshat e reja.
Shtatorja është vendosur tek stadiumi që mban emrin e tij, tek Liqeni Akumulues në Mitrovicë, në përvjetorin e parë të vdekjes së futbollistit.
Mediat lokale në Mitrovicë raportojnë se një numër i madh i mysafirëve kanë qenë të pranishëm në këtë ceremoni, ku disa edhe thanë fjalime përshëndetëse.
Pamjet e shtatorës, i ka publikuar edhe axha i futbollistit të ndjerë.
