Idriz Seferi është heroi i kombit shqiptar. Ai është figura më emblematike për liri e për Shqipëri, njeri i epokës njëqind vjeçare.
Organizator i zoti, që frymëzoi, mobilizoi dhe udhëhoqi shumë kryengritje në të gjitha trojet shqiptare.
Idriz Seferi (Sefer, 14 mars 1847 – Zhegër, 25 mars 1927), ka qenë një figurë atdhetare shqiptare dhe prijës kaçak. Anëtar i Lidhjes së Prizrenit dhe asaj të Pejës, përkrah Isa Boletinit organizoi dhe i priu kryengritjes së 1910 dhe 1912 kundër autoriteteve osmane, dhe kundër serbëve gjatë Luftës së Parë Ballkanike.
Vijoi të luftonte kundër serbëve pjesën e parë 1914–1916 të Luftës së Parë Botërore, ndërsa në gjysmën e dytë të luftës zhvilloi beteja kundër bullgarëve.
