Hansi Flick foli në konferencë për shtypin në prag të ndeshjes kundër Valencias, e vlefshme për çerekfinalet e Copa del Rey:
“Do të jetë krejtësisht ndryshe nga ndeshja e kampionatit. Do të japim maksimumin, por gjithçka do të jetë ndryshe: atmosfera, stadiumi, ambienti…”.
Dani Olmo dhe Gavi…
Do të shohim nëse Olmo do të hyjë në pjesën e dytë. Gavi nuk është një opsion për nesër, sipas protokollit. Është mirë që është kështu, goditja që mori ishte e fortë.”
Dani Olmo dhe Gavi…
Do të shohim nëse Olmo do të hyjë në pjesën e dytë. Gavi nuk është një opsion për nesër, sipas protokollit. Është mirë që është kështu, goditja që mori ishte e fortë.”
Kemi një ndeshje nesër dhe pastaj një tjetër të dielën. Do të kthehemi në tre ose katër të mëngjesit, kështu që kam nevojë për të gjithë lojtarët. Frenkie është fantastik, edhe Casadó është i mrekullueshëm. Nuk ka rëndësi kush luan, e di që të gjithë do të japin maksimumin. Kjo është ajo që ka rëndësi.
Rëndësia e Dani Olmo-s…
Ai e ka treguar shumë herë se sa i rëndësishëm është për ne. Është kyç si në mesfushë, ashtu edhe në sulm, di si ta kontrollojë topin, por duhet të kujdesemi për të. Duhet të sigurohemi që të vazhdojë të luajë, të shohim si ndihet dhe të përshtatemi. Nuk mund ta kemi në çdo ndeshje, por do të jetë i rëndësishëm për ato që vijnë.
Si do ta komentonit letrën e Real Madridit për gjyqtarët?
Për të qenë i sinqertë, nuk dua të flas për këtë. Nuk është mënyra jonë për të bërë gjërat dhe unë nuk do ta bëja. Çdo trajner dhe çdo klub ka arsyet e veta për të thënë gjëra të caktuara, por në fund të fundit, të gjithë jemi njerëz dhe bëjmë gabime. Gjyqtarët kanë një punë shumë të vështirë dhe duhet të kujdesemi për ta, sepse situata e tyre nuk është e lehtë.
