Se për fatet e kësaj bote ,
Mua jo , s’më firmos dora ,
Se timonin e çdo rrote ,
E mbajnë në dorë ca horra
.
Tollovi , klithma dhe gjak ,
Digjet bota sikur vullkani .
Ky planet thuhet “u plak ,
Krejt do zhytet tek oqeani !”
“Bota digjet , kurvat krihen”
Mbidhen horrat në samite .
Përfundimet ? Ato dihen :
Kur kalojnë dhjetra vite !
Luftrat jo , s’i bëjnë popujt ,
Popujt janë “dele Perëndie !”
Po hamshorë janë dishepujt ,
Dhëmbë e bark pangopësie .
Dhe çfarë janë Zot a Perëndi ,
Popujt shpresat tek ta varur ,
Heshtin mor’ , për llahtari ,
Gjersa horrat vetëm tallur ?!
Nën gërmadha rënkon foshnja ,
Robn’ e Zotit shkrirë uria ,
Luftrat vrasin të rinj nga mosha ,
Po pse hesht , Zot a Perëndia ?!
Mua s’më firmos gjë dora ,
Vetëm shkruaj dhe hedh rreshta ,
Botën e drejtojnë ca horra ,
Ndaj për dhimbjet unë s’heshta .
