Dy fjalë shpirti due me thënë
Dedikim për çdo nanë
Për ato që janë në vetmi
Si i ngrys nata ,dita i gdhi.
Për ty nanë me njëmijë halle
Me rritë fëmijën skllave u bane
Në djep e more në punë gjithkund
Fjalët për ty nuk kanë fund.
Bukën e gojës i hoqe vehtit
Me i plotësue atyre qefin
Me punë dore në tym të kandilit
Nuk e mbylle dritën e syrit.
Me i shkollue e juaja dëshirë
Jo pak pengje ,shumë vështirë
Mentalitete dhe pamundësi
Brenga zemre janë për ty .
Me fjalë shpirti due me shkrue
Për këto nana që janë harrue
Një jetë tjetër fëmijën pret
Harrojnë shpejt nanën e vet.
Prapë për ty po lutet nana
Gjithë mundin hallall bana
Kudo jeni o fëmijë të mi,
u rujt Zoti dhe pse jam në vetmi!
Mos harroni të dashur fëmijë
S’është larg dita të takon ty
Mos derdh lotë në funeral
Qetësoji shpirtin sa janë gjallë!
