Shtrydh e ç´shtrydh veten deri n´palcë shpirti
për sall një vegzë kah shtegu i daljes,
për sall dy fjalë kënge shliruese t´frym´s
gjetkë, ncëk … nuk shkohet … nuk shihet
një jetë në rreth lufte
Sa herë dreqi e dridhë bishtin
që e ka sa tri herë trupin … dreq i kuq all
neve fshikëllima na shkon surratit
se ftyrë druaj n´ka mbetë ku
… tri dredhat n´rruzën tème kallzojnë mot t´lig
Muza m´këndon druajtshshëm,
vargut erë lufte m´i vie
e paqes … as epitafi t´i lexohet …
i fshiem prej rrebeshi
Kam dëgjua shpesh të thuhet … bir nâne,
po nânat kenkan t´ndryshme, brè
t´sojshme, t´llojshme, t´plojshme …
e pjella çfarë del
kur mbillet dhunshëm
Ah shqiptari jèm, ti babaxhani i nahijes
skamjet e përjetshme t´bënë jetë skamnore
e ti, ec e del përtej lakmisë,
ec e ktheju arsyeshmërisë,
… sall dy fije mëndje,
të hiqen dy fije ëndje,
t´hiqen edhe dy fije dhëmbje
… një kafshatë … sall një kafshatë mangu, siguria për dinjitet te plangu
Poezi nga Mentor Thaqi
