Liverpooli mund të realizojë një tjetër transferim spektakolar në merkaton europiane. Sipas gazetës spanjolle “El Nacional”, klubi anglez po shqyrton mundësinë e transferimit të mesfushorit të Barcelonës, Fermín López, për një shumë që mund të arrijë në 140 milionë euro.
Trajneri Andoni Iraola është një admirues i futbollistit 23-vjeçar dhe e konsideron atë një alternativë të mundshme për Florian Wirtz, e ardhmja e të cilit te Liverpooli është bërë objekt spekulimesh.
Mesfushori gjerman raportohet se ka tërhequr interesimin e disa klubeve të mëdha europiane, përfshirë Bayern Munich, Borussia Dortmund, Chelsea dhe Newcastle United.
Fermín López ka shkëlqyer me Barcelonën, duke regjistruar 13 gola dhe 17 asistime gjatë sezonit 2025/26. Energjia, presingu, aftësia për të krijuar raste dhe instinkti për gol e bëjnë një profil shumë interesant për futbollin e Premier League.
Megjithatë, Barcelona nuk dëshiron të heqë dorë lehtë nga mesfushori spanjoll, ndërsa ende nuk ka konfirmim për negociata zyrtare mes klubeve.
Nga ana tjetër, Iraola ka shprehur publikisht besimin e tij te Wirtz, çka tregon se një zëvendësim i mundshëm mbetet për momentin vetëm hipotezë.
