qeshim
se lotët janë bërë estetikë luksi
ose bizhuteri kineze
që blihen në dyqanin e lagjes
qeshim
për ta përjetësuar lumturinë
para celularit të serisë së fundit
që askush të mos pyesë
çfarë ndodhi me ne
pas shkrepjes
qeshim me jetën
se ajo e ka harruar humorin
si një mace e lagur në shi
por ka talent të jashtëzakonshëm
për të na vënë në lojë minjsh
para se të flemë
celularin e vëmë në aeroplan mode
se i shkreti ka pasur ditë të lodhshme
të nesërmen
kur dikush na pyet
sipas rutinës së bukur
si je
ne prapë
vetëm qeshim
se ndonjëherë
e vërteta është përrallë tepër e gjatë
për një përgjigje të shkurtër
