TEATRI DANTEAN
Kisha dëshirë t’i ngjaja çlirmtares së atdheut
Të secilit brez dhe secilës betejë të tokëjonës
Ndoshta isha bërë edhe unë hero i ditëve t’para
Jo të mbes peng i të vetmes fjalë që dhemb
Kisha dhënë çdo gjë nga e vërteta e hidhur
Për t’i thënë diellit edhe unë u bëra flakë
Të njëjtë e kemi dritën që i falim njerëzimit
Edhe plagët i kemi mijëra vjeçare të vjetra
Pranë sysh na flasin pikturat e Ekzodit
Lotët që kurrë nuk arrita t’ia fshijë nënlokës
Dhe Ti u riktheve në trëndafil të çames sime
Për ta vetëdijësue botën se mrekullia ekziston
Ashtu siç jetoj unë për të bukurën e shenjtë
Në engjëll fluturove të vie edhe para fluturave
Teatrin dantean e munde këtë të keqe t’fisit tim
Mua m’i ringjalle ëndrrat për me jetua i lirë
Dëshira për t`u bërë kalorës venedikian erdhi
Kur çlirimtarët na zgjuan nga ky ferr i zi
Për pak mbetëm peng i ëndrrave që s’kthejnë
Tani jetoj i lirë së bashku më engjëjt e poetit.
BAC
-Në Natën e Zjarreve Jasharjane
Sërish duhet me u zgjue bac
Me ia lëshue një sy Mitrovicës
Aty kemi mbetur peng dreqi
Askush nuk e pranon fajësinë
Të gjithë themi jemi të pafajshëm
Adem
e kemi humb pak si shumë fytyrën
me të thanë Bac
Më u pa ma kurrë sy me sy me ty
Pse nuk vdiqa edhe unë bashkë me ty
Mos me e pa Mitrovicën kështu siç ështē
S’më lejohet të eci i lirë qytetit tim të mirë
Bac ti ke ra më ecë i lirë nëpër Mitrovicë
Edhe natën me na ndriçue drita e minatorit
E di që e kemi dhanë fjalën e betimit
Në emrin tënd me qenë ushtarët e Komandantit
Bac fjalët na janë zhdukur bashkë me erën
Natën e zjarrëve vijmë me i ngroh trimëritë
Si Promethe me jetue a mos me jetue fare
Bac sa me dhemb se larg jemi me u ba Shqipëri.
GJUHA E NOAS
T’i kam lexue ëndrrat
Për të ngrit Kullën e Babilonit
Për një çast edhe dëshirat e lirisë
Por mbrëmjet kryeneqe
T’i ndan në njëqind pjesë të atomit
fjalët e hyjet për t’i dhënë dritê Adamit
E di rebelimin e Apokalipsit
kur jetonte nē këtë anë
As pas pesë shekujve të ferrit
Nuk kanë përfundu betejat
Për liri jo se jo
Për vdekjen se besoj se ka fund
Aa yjet nuk e besoj se zbresin
Nuk e duan tokën të ndyer a të shitur
Tani veq engjujtë janë bërë mbretëri e qiellit
E jetojnë lirinë e Kopshtit të Edenit
A e dini se hyji ma i shenjtë i takon Ernes
Gjuha e Noas tani shkruhet e flitet në artin e saj .
