Vdiqën gratë,
s’ka më gra, vdiqën,
pranvera, vera, vjeshta,
dimri
i la veç varret.
Disa ua mbyllën diellin me duar,
disa i varrosën para se të vdisnin.
Vdiqën gratë,
heshtja e vjeshtës lëshon britma,
bota numëron ditët,
asnjëherë varret.
S’ka më gra…
Dritaret u mbyllën,
emra që s’kthehen më.
Humbën në këtë jetë,
pa u kthyer më kurrë
në pranverë,
në verë,
në vjeshtë,
në dimër.
Heshtja mbeti në çdo derë.
